പത്തനംതിട്ട: കുളിക്കുന്നതിനിടെ കാൽവഴുതി അച്ചൻകോവിലാറ്റിൽ വീണ് ജൂവലറി ഉടമ മരിച്ചു. പത്തനംതിട്ട നഗരത്തിലെ ഉഷ ജൂവലറി ഉടമ താഴെവെട്ടിപ്രം അശോക ഭവനിൽ ജെ. മുരുകൻ (59) ആണ് മരിച്ചത്. ബുധനാഴ്ച വൈകിട്ട് നാലുമണിയോടെ വലഞ്ചുഴി ക്ഷേത്രത്തിന് സമീപത്തെ കടവിൽ ആയിരുന്നു അപകടം
ഭാര്യ രജനിയുമൊത്ത് തുണി കഴുകുന്നതിനായി എത്തിയതായിരുന്നു മുരുകൻ. വീട്ടിൽ സഹായത്തിന് നിൽക്കുന്ന സ്ത്രീയും ഇവർക്കൊപ്പമുണ്ടായിരുന്നു. തുണി കഴുകിയ ശേഷം കുളിക്കുന്നതിനിടെ മുരുകൻ ആറ്റിലേക്ക് വീണുപോയി. അഗ്നിരക്ഷാസേന എത്തി കരയ്ക്കെത്തിച്ചെങ്കിലും രക്ഷിക്കാനായില്ല. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്.
പരേതനായ ജനാർദനൻ ആചാരിയുടെ മകനാണ്. മക്കൾ:എം. ആശ കുമാരി, എം. അർച്ചന കുമാരി, എം. അരുൺകുമാർ. മരുമക്കൾ: ബാബുമോൻ (കോഴഞ്ചേരി), എം.എൻ. ഗോകുൽ (മാന്നാർ). സംസ്കാരം വ്യാഴാഴ്ച രണ്ടിന് പത്തനംതിട്ടയിലെ വിശ്വകർമ്മസമുദായ ശ്മശാനത്തിൽ