വീട്ടുമുറ്റത്ത് നിർത്തിയിട്ടിരുന്ന കാർ തീ പിടിച്ചു .. തിരുവനന്തപുരത്ത് ഒരാൾക്ക് ദാരുണാന്ത്യം

 

തിരുവനന്തപുരം പാലോട് – കരുമൺകോട് ആണ് സംഭവം. വീട്ടിലെ കോമ്പൗണ്ടിൽ കിടന്ന മാരുതി കാർ ആണ് കത്തിയത്. അജു എന്ന് വിളിക്കുന്ന പുരുഷോത്തമൻ (64) ആണ് മരിച്ചത്. ഇന്ന് രാത്രിയാണ് സംഭവം. വീട്ടിൽ ഈ സമയത്ത് ആരും ഉണ്ടായിരുന്നില്ല.കാർ കത്തുന്നത് കണ്ട നാട്ടുകാരാണ് വിവരം പൊലീസിനെ അറിയിച്ചത്. കാറിലിരുന്ന് തന്നെ പുരുഷോത്തമൻ മരിച്ചിരുന്നു. ആത്മഹത്യയെന്നാണ് പൊലീസിൻ്റെ പ്രാഥമിക നിഗമനം.