പാലക്കാട് നിർത്തിയിട്ട ടാങ്കർ ലോറിയിൽ കാർ ഇടിച്ചുകയറി വീട്ടമ്മയ്ക്ക് ദാരുണാന്ത്യം

പാലക്കാട്: കുഴൽമന്ദം വെള്ള പാറക്ക് സമീപം നിർത്തിയിട്ട ടാങ്കർ ലോറിയിൽ കാർ ഇടിച്ചുകയറി മുണ്ടൂർ സ്വദേശിനിയായ വീട്ടമ്മയ്ക്ക് ദാരുണാന്ത്യം: പാലക്കാട് മുണ്ടൂർ വേലിക്കാട് സ്വദേശിയായ സാറാമ്മ ഫിലിപ്പ് (63) ആണ് മരണപ്പെട്ടത്. കൂടെയുണ്ടായിരുന്ന ഭർത്താവ് ഫിലിപ്പിനെ ഗുരുതരമായ പരിക്കുകളോടെ പാലക്കാട് ജില്ല ആശുപത്രിയിൽ പ്രവേശിപ്പിച്ചു. ഇന്ന് രാവിലെ പതിനൊന്ന് മണിയോടുകൂടിയാണ് അപകടം നടന്നത്. തൃശൂർ ഭാഗത്ത് നിന്ന് വന്ന കാർ നിർത്തിയിട്ടിരുന്ന ടാങ്കർ ലോറിയുടെ പിന്നിലേക്ക് ഇടിച്ച് കയറുകയായിരുന്നു. കാർ പൂർണമായും തകർന്ന നിലയിലാണ്. വാഹനം ഒടിച്ചിരുന്ന ഭർത്താവ് ഫിലിപ്പ് ഉറങ്ങിയതായിരിക്കാം അപകടകാരണമെന്നാണ് പ്രാഥമിക നിഗമനം