തലോർ: ബസില്‍ ഇടിച്ചുവീണ സ്കൂട്ടർ യാത്രക്കാരൻ ടാങ്കർ ലോറി കയറി മരിച്ചു. പുതുക്കാട് തെക്കെതൊറവ് താഴത്ത് വീട്ടില്‍ അശോകന്‍റെയും സന്ധ്യയുടെയും മകൻ ജഗനാ(25)ണ് മരിച്ചത്.
ശനിയാഴ്ച വൈകീട്ട് മൂന്നിനായിരുന്നു അപകടം. തൃശൂർ ഭാഗത്തുനിന്ന് വന്ന സ്കൂട്ടർ ടാങ്കർ ലോറിയെ മറിക്കടക്കുന്നതിനിടെ എതിരെ വന്ന ബസില്‍ ഇടിച്ച്‌ മറിയുകയായിരുന്നു.
റോഡിലേക്ക് വീണ ജഗന്‍റെ തലയിലൂടെ ലോറി കയറി. നാട്ടുകാർ ജില്ലാ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. പുതുക്കാട് പോലീസ് മേല്‍നടപടികള്‍ സ്വീകരിച്ചു. സഹോദരൻ: ദത്തൻ.