താമരശ്ശേരി: താമരശ്ശേരി- കൊയിലാണ്ടി സംസ്ഥാന പാതയിൽ കോരങ്ങാട് സ്വകാര്യ ബസ് ഓട്ടോയിലും ജീപ്പിലുമിടിച്ച് അപകടം. അപകടത്തിൽ അഞ്ചുപേർക്ക് പരിക്ക്. ജീപ്പിനു സമീപം നിൽക്കുകയായിരുന്ന കോരങ്ങാട് ഹൈസ്കൂളിന് സമീപം ഇലക്ട്രിക് ഷോപ്പ് നടത്തിവരുന്ന ഷിബു, കോരങ്ങാട് സ്വദേശി വാവ, ഓട്ടോയിൽ യാത്ര ചെയ്ത മറ്റു മൂന്നു പേർക്കുമാണ് പരിക്കേറ്റത്. ഇടിയുടെ ആഘാതത്തിൽ ഓട്ടോറിക്ഷ പൂർണമായും തകർന്നു. പരിക്കേറ്റവരെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. കോരങ്ങാട് ഹൈസ്കൂളിന് സമീപമായിരുന്നു അപകടം.