പാലക്കാട്‌ തോണിപ്പാടം നെല്ലിപ്പാടത്ത് ജിനോസിന്റെ മകൻ അത്തിപ്പൊറ്റ കെ.എം.എൽ.പി സ്കൂൾ രണ്ടാം ക്ലാസ് വിദ്യാർത്ഥി ബിലാൽ (ഏഴ്) ആണ് മരിച്ചത്.വ്യാഴാഴ്‌ച വൈകുന്നേരം അഞ്ച് മണിയോടെയാണ് സംഭവം. മലമ്പുഴ കനാലിന്റെ താഴെയുള്ള കൊക്കർണിയിൽപ്പെട്ടാണ് വിദ്യാർത്ഥി മരിച്ചത്.കൊക്കർണിയുടെ മുകൾ ഭാഗത്തെ കനാൽ റോഡിൽ കുട്ടിയുടെ സൈക്കിൾ കാണാനിടയായതിനെ തുടർന്ന് നാട്ടുകാരായ മുത്തലി, ഷംസു എന്നിവർ ചേർന്ന് നടത്തിയ തിരച്ചിലാണ് കുട്ടിയെ കണ്ടെത്തിയത്. ആലത്തൂർ താലൂക്കാശുപത്രിയിൽ എത്തിച്ചെങ്കിലും മരണപ്പെട്ടു. മൃതദേഹം താലൂക്കാശുപത്രി മോർച്ചറിയിൽ.ഉമ്മ: ആബിദ (അണക്കപ്പാറ മർകസ് അക്കാദമി, പാചക തൊഴിലാളിയാണ്).