തൃശ്ശൂർ പട്ടിക്കാട്. കുതിരാൻ തുരങ്കത്തിന് സമീപം മിനിലോറി മറിഞ്ഞ് അപകടം. ഇന്നലെ രാത്രി 11 മണിയോടെ തൃശ്ശൂർ ഭാഗത്തേക്കുള്ള പാതയിലാണ് അപകടമുണ്ടായത്. തുരങ്കം കഴിഞ്ഞുള്ള വളവിൽ നിയന്ത്രണം വിട്ട ലോറി മറിയുകയായിരുന്നു. ഓയിൽ കയറ്റി വരികയായിരുന്ന ലോറിയിൽ നിന്നും ഓയിൽ റോഡിലൂടെ ഒഴുകിയിട്ടുണ്ട്. അപകടത്തിൽ ആർക്കും പരിക്കില്ല. ഹൈവേ പോലീസും ദേശീയപാത റിക്കവറി വിഭാഗവും സ്ഥലത്തെത്തി മേൽ നടപടികൾ സ്വീകരിച്ചു.