തൃശ്ശൂർ പട്ടിക്കാട്. ദേശീയപാത തോട്ടപ്പടിയിൽ ആറുവരിപ്പാത മുറിച്ചുകടക്കുന്നതിനിടെ കാർ ഇടിച്ച് മുല്ലക്കര സ്വദേശി മരിച്ചു. ഉദയഗിരി മനക്കുളങ്ങര വീട്ടിൽ ഷാഹുൽ ഹമീദ് (67) ആണ് മരിച്ചത്. സെക്യൂരിറ്റി ജീവനക്കാരനാണ്. ഖബറടക്കം ഇന്ന് (തിങ്കളാഴ്ച) ഉച്ചകഴിഞ്ഞ് മുല്ലക്കര ജൂമാ മസ്ജിദ് ഖബർസ്ഥാനിൽ.
പാലക്കാട് ഭാഗത്തേക്കുള്ള പാതയിലാണ് അപകടം ഉണ്ടായത്. എയർപോർട്ടിൽ പോയി വരികയായിരുന്ന പാലക്കാട് സ്വദേശിയുടേതാണ് കാർ. അപകടം നടന്നയുടൻ ഷാഹുൽ ഹമീദിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
