കോഴിക്കോട് പേരാമ്പ്ര : പേരാമ്പ്ര വടകര റോഡിലെ ഹൈസ്കൂൾ റോഡ് ജങ്ഷനിൽ വാഹനാപകടം. രണ്ടുപേർക്ക് പരിക്കേറ്റു. നമ്പ്രത്തുകര സ്വദേശികളായ കോഴിപുറത്ത് സുബിൻ, തേരിത്തറയിൽ കുഞ്ഞിരാമൻ എന്നിവർക്കാണ് പരിക്കേറ്റത്.
ഇന്നലെ രാത്രി എട്ടുമണിയോടെയായിരുന്നു അപകടം. പിക്കപ്പ് വാനും ബൈക്കുമിടിച്ചാണ് അപകടം. പരിക്കേറ്റ ഇരുവരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.