കണ്ണൂർ: വേശാലയിൽ ടിപ്പർ ലോറി സൈക്കിളിൽ ഇടിച്ച് മദ്റസ വിദ്യാർഥി മരിച്ചു. വേശാലയിലെ ഇസ്മായിൽ സഖാഫി ശാക്കിറ ദമ്പതികളുടെ മകൻ മുഹമ്മദ് ഹാദി (11) ആണ് മരിച്ചത്. കൂടാളി ഹയർ സെക്കണ്ടറി സ്കൂൾ ആറാം ക്ലാസ് വിദ്യാർഥിയാണ് ഹാദി.
അപകടത്തിൽ റബീഹ് (13), ഉമൈദ് (14) എന്നിവർക്കും പരുക്കേറ്റു. പരുക്കേറ്റ വിദ്യാർഥികളെ കണ്ണൂർ ആസ്റ്റർ മിംസ് ആശുപത്രിയിൽ പ്രവേശിപ്പിച്ചു. വേശാല ഖാദിരിയ മദ്റസ വിദ്യാർഥികളാണ് മൂവരും.