മട്ടന്നൂരില്‍ സിനിമാ തിയേറ്ററില്‍ വാട്ടർ ടാങ്ക് തകർന്ന് വീണ് അപകടം. മട്ടന്നൂർ സഹിന തീയേറ്ററിലാണ് സംഭവം. അപകടത്തില്‍ രണ്ട് പേർക്ക് പരുക്കുണ്ട്.
സിനിമാ പ്രദർശനം നടക്കുന്നതിനിടെയാണ് അപകടം ഉണ്ടായത്. അപ്രതീക്ഷിതമായി തിയേറ്ററിൻ്റെ മേല്‍ക്കൂരയിലേക്ക് ടാങ്ക് തകർന്ന് വീഴുകയായിരുന്നു. തുടർന്ന് മേല്‍ക്കൂരയുടെ ഒരു ഭാഗം തകർന്നു താഴേയ്ക്ക് വീണു.
വാട്ടർ ടാങ്കിനൊപ്പം കോണ്‍ക്രീറ്റ് സ്ലാബും താഴേക്ക് അടർന്നു വീണിരുന്നു. ഈ ഭാഗത്ത് ഇരുന്ന രണ്ട് പേർക്കാണ് പരുക്ക് പറ്റിയത്. ഇരുവരും സിനിമ കാണാൻ എത്തിയവരായിരുന്നു.