കണ്ണൂർ മട്ടന്നൂർ: ഉരുവച്ചാൽ പഴശ്ശിയിൽ ഇന്നോവ കാറും ഓട്ടോറിക്ഷയും തമ്മിൽ കൂട്ടിയിടിച്ച് ഒരാൾ മരിച്ചു.ഒരാൾക്ക് പരിക്കേറ്റു
ഇന്ന് പുലർച്ചെ 5 മണിക്ക്‌പഴശ്ശി റേഷൻ ഷാപ്പിന് സമീപം വെച്ച് ഇന്നോവകാറും ഓട്ടോറിക്ഷയും തമ്മിൽ കൂട്ടിയിടിച്ച് ഒരാൾ മരിച്ചു. ഒരാൾക്ക് പരിക്കേറ്റു കൂത്ത്പറമ്പ് ഭാഗത്ത് നിന്നും വരികയായിരുന്ന ഓട്ടോറിക്ഷയും കർണ്‌ണാടകയിൽ നിന്നും വരികയായിരുന്ന ഇന്നോവ കാറും തമ്മിലാണ് കൂട്ടിയിടിച്ചത്. ഓട്ടോറിക്ഷയിലുണ്ടായിരുന്ന സ്ത്രീയെയും ഓട്ടോറിക്ഷ ഡ്രൈവറേയും ഉടൻ ഉരുവച്ചാൽ ഐ.എം.സി ആശുപത്രിയിലെത്തിക്കുകയും അവിടെനിന്ന് കണ്ണൂർ ചാലയിലെ സ്വകാര്യ ആശുപത്രിലെത്തിച്ചെങ്കിലും സ്ത്രീ മരണപ്പെടുകയായിരുന്നു. ഓട്ടോ ഡ്രൈവറെ പരിക്കുകളോടെ ആശുപത്രിയിൽ പ്രവേശിപ്പിച്ചു. രാവിലെ 8 മണിക്ക് പഴശ്ശി യു.പി സ്‌കൂളിന് സമീപം പാഴ്‌സൽ ലോറി ട്രാൻസ്ഫോർമറിൽ ഇടിച്ച് ലോറി ഡ്രൈവർക്കും ക്ലീനർക്കും പരിക്കേറ്റു ലോറിയുടെ അകത്ത് അകപ്പെട്ട് പോയഇവരെ മട്ടന്നൂർ ഫയർഫോഴ്‌സും പോലീസും നാട്ടുകാരും ചേർന്നാണ് പുറത്തെടുത്തത് ഇവരെ തലശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.