പാലക്കാട് കുഴൽമന്ദം : കോട്ടായിയില്‍ പന്നിക്കെണിയില്‍ കുടുങ്ങി യുവാവ് മരിച്ചു. പാലക്കാട് സ്വദേശി സുന്ദരന്‍ ആണ് മരിച്ചത്. ഒപ്പമുണ്ടായിരുന്ന ബന്ധു രാജീവനും ഷോക്കേറ്റിട്ടുണ്ട്. രാജീവന്‍ ചികിത്സയില്‍ തുടരുകയാണ്.
പന്നിക്കെണി സ്ഥാപിച്ചിരുന്നത് യുവാക്കള്‍ അറിഞ്ഞിരുന്നില്ല. സമീപത്തെ പുഴയില്‍ ബലിതര്‍പ്പണത്തിന് പോയി മടങ്ങുമ്പോഴാണ് അപകടത്തില്‍പ്പെട്ടത്.
രാവിലെ ഇതുവഴി പോയവരാണ് യുവാക്കള്‍ ബോധമറ്റ്‌ കിടക്കുന്നത് കണ്ടത്. സുന്ദരനെ രക്ഷിക്കാന്‍ കഴിഞ്ഞില്ല. വയലില്‍ പന്നി ശല്യം രൂക്ഷമാണ്. പന്നിയെ കുടുക്കാന്‍ വേണ്ടിയാണ് കെണി വച്ചത്. ഈ കെണിയിലാണ് യുവാക്കള്‍ അകപ്പെട്ടത്.