കൊല്ലം: കൊല്ലം കരുനാഗപ്പള്ളിയിൽ വാഹനാപകടത്തിൽ യുവാവിന് ദാരുണാന്ത്യം. ബൈക്ക് യാത്രികനായ തേവലക്കര സ്വദേശി അൽത്താഫ് ആണ് മിനി ലോറിയിടിച്ച് മരിച്ചത്. ഒപ്പമുണ്ടായിരുന്ന സുഹൃത്തിനും ഗുരുതരമായി പരിക്കേറ്റു. ഇയാളെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. കരുനാഗപ്പള്ളി ഐഎച്ച്ആർഡി കോളേജിലെ വിദ്യാർത്ഥിയാണ് അൽത്താഫ്.
കരുനാഗപ്പള്ളി കല്ലേലി ഭാഗത്ത് നാല് റോഡുകൾ ചേരുന്ന ജംഗ്ഷനിലാണ് അപകടമുണ്ടായത്. അൽത്താഫും സുഹൃത്തും സഞ്ചരിച്ച
ബൈക്കിനെ മിനി ലോറി ഇടിച്ചു തെറിപ്പിക്കുകയായിരുന്നു. അശ്രദ്ധയും മിനി ലോറിയുടെ അമിത വേഗതയുമാണ് അപകടത്തിന് കാരണമെന്നാണ് നിഗമനം. മൃതദേഹം പോസ്റ്റുമോ‍ർട്ടത്തിന് ശേഷം കുടുംബത്തിന് വിട്ടുനൽകും. അപകടത്തിൻ്റെ സിസിടിവി ദൃശ്യം പുറത്ത് വന്നിട്ടുണ്ട്.