മലപ്പുറം കുറ്റിപ്പുറം നിയന്ത്രണം വിട്ട ബൈക്ക് മദ്റസ കെട്ടിടത്തി ലേക്ക് പാഞ്ഞു കയറി ബൈക്ക് യാത്രികനായ വിദ്യാർഥിക്ക് പരുക്കേറ്റു. കുറ്റിപ്പുറം എടച്ചലം സ്വദേശി പനങ്കാവിൽ അബ്ദുൽ നാസറിൻ്റെ മകനും പേരശ്ശനൂർ ഗവ.ഹയർ സെക്കൻഡറി സ്‌കൂളിലെ വിദ്യാർഥിയുമായ നാഫിഹിനെയാണ് ഗുരുതര പരുക്കുകളോടെ തൃശൂർ മെഡി.കോളജിൽ പ്രവേശിപ്പിച്ചത്. ഇന്നലെ ഉച്ചക്ക് രണ്ടോ ടെ എടച്ചലം ചോലക്കൽ വെച്ചാണ് അപകടം. ചോലക്കലി ലെ സലഫി മസ്‌ജിദിന് സമീപം ബ്രേക്കിൻ്റെ നിയന്ത്രണം നഷ്ടമായ ബൈക്ക് തൊട്ടടുത്തുള്ള മദ്റസയുടെ പഴയ പാചകപ്പുരയുടെ മേൽക്കൂരയിലേക്ക് പാഞ്ഞുകയറിയാണ് അപകടമുണ്ടായത്. അപകടത്തിൽ തലയ്ക്ക് ഗുരുതരമായി പരുക്കേറ്റ നാഫിഹിനെ കുറ്റിപ്പുറം താലൂക്ക് ആശുപത്രിയിലെ പ്രാഥ മിക ചികിത്സയ്ക്ക് ശേഷം തൃശൂർ മെഡി.കോളജിലേക്ക് മാറ്റുകയായിരുന്നു.