തൃശ്ശൂർ ഇരിങ്ങാലക്കുട ഠാണാവിൽ നിയന്ത്രണം വിട്ട സ്കൂട്ടർ സൂപ്പർമാർക്കറ്റിലേയ്ക്ക് ഇടിച്ച് കയറ്റി അപകടം. ശനിയാഴ്ച്ച ഉച്ചതിരിഞ്ഞ് 2 മണിയോടെയാണ് അപകടം നടന്നത്.
ഠാണാവിലെ എംസിപി സൂപ്പർ മാർക്കറ്റിലേയ്ക്കാണ് രണ്ട് യുവതികൾ സഞ്ചരിച്ചിരുന്ന സ്കൂട്ടർ നിയന്ത്രണം വിട്ട് ഇടിച്ച് കയറിയത്.
അഭിഭാഷകരായ പുല്ലൂർ സ്വദേശി റോസ്, മറ്റത്തൂർ സ്വദേശി ലിഷ എന്നിവർ സഞ്ചരിച്ചിരുന്ന സ്കൂട്ടർ ആണ് അപകടത്തിൽ പെട്ടത്.
ബസ് സ്റ്റാന്റ് ഭാഗത്ത് നിന്നും വന്നിരുന്ന ഇവർ റോഡിൽ നിന്നും സൂപ്പർമാർക്കറ്റിന്റെ പാർക്കിംങ്ങ് ഏരിയയിലേയ്ക്ക് തിരിക്കുന്നതിനിടെ നിയന്ത്രണം വിട്ട് സ്കൂട്ടർ വായുവിലേക്ക് ഉയരുകയും പുറകിലിരുന്ന ലിഷ വീഴുകയുമായിരുന്നു.
തുടർന്ന് സൂപ്പർമാർക്കറ്റിന്റെ മുൻവശത്തെ ചില്ലുകൾ തകർത്ത് സ്കൂട്ടർ ഇടിച്ച് നിൽക്കുന്നതും സിസിടിവി ക്യാമറയിൽ പതിഞ്ഞിട്ടുണ്ട്. അപകടത്തിൽ ചെറിയ പരിക്കുകളേറ്റ ഇരുവരെയും ഇരിങ്ങാലക്കുട മെറീനാ ആശുപത്രിയിൽ പ്രവേശിപ്പിച്ചു
