പാലക്കാട് ഏഴു വയസുകാരന് കയര്‍ കഴുത്തില്‍ കുരുങ്ങി ദാരുണാന്ത്യം. മണ്ണാര്‍ക്കാട് എടത്തനാട്ടുകര ചിരട്ടക്കുളത്ത് ഏഴു വയസുകാരനാണ് കയര്‍ കഴുത്തില്‍ കുരുങ്ങി മരിച്ചത. ചിരട്ടക്കുളം ആലാടിപ്പുറം അനില്‍കുമാറിന്റെ മകന്‍ ആദിത്യദേവാണ് മരിച്ചത്.
നിലമ്ബൂര്‍ സ്വദേശിയാണ് അനില്‍കുമാര്‍. വൈകുന്നേരം 6 മണിയോടെയാണ് സംഭവം. ചിരട്ടക്കുളത്തുള്ള അമ്മ വീട്ടില്‍ വിരുന്ന് വന്നതായിരുന്നു ആദിത്യ ദേവ്. വീട് പണി നടക്കുന്ന സ്ഥലത്ത് മറ്റ് കുട്ടികള്‍ക്കൊപ്പം കളിക്കുന്നതിനിടെ കയര്‍ കഴുത്തില്‍ കുരുങ്ങുകയായിരുന്നു. മൃതദേഹം മണ്ണാര്‍ക്കാട് താലൂക്ക് ആശുപത്രി മോര്‍ച്ചറിയിലേക്ക് മാറ്റി. പോസ്റ്റുമോര്‍ട്ടത്തിന് ശേഷം കുടുംബത്തിന് വിട്ടുകൊടുക്കും