കോഴിക്കോട് പേരാമ്പ്രയിൽ മുളിയങ്ങലിൽ കുറുക്കൻ്റെ കടിയേറ്റ് നിരവധി പേർക്ക് പരിക്ക്. 15 കാരനെ കുറുക്കൻ കടിക്കുന്നത് കണ്ട് കുട്ടിയെ രക്ഷിക്കാൻ പോയവർക്കുമാണ് കടിയേറ്റത്.
മുളിയങ്ങലിലെ ചെമ്പ്ര തറമ്മൽ ഭാഗത്തു ഇന്ന് രാവിലെ 7.30 ഓടുകൂടിയാണ് വിദ്യാർത്ഥിക്ക് നേരെ കുറുക്കന്റെ ആക്രമണം ഉണ്ടായത്.
മുളിയങ്ങൽ ചെമ്പ്ര മീത്തൽ ആദിൽ (15 ) നെ കുറുക്കൻ ആക്രമിച്ചത്. ആദിലിന്റെ നിലവിളി കേട്ട് രക്ഷിക്കാനായി ഓടി എത്തിയ ആദിലിന്റെ മാതാവ് റെജീന(40), കല്ലറ മീത്തൽ ബഷീർ (48), ചെമ്പ്ര തറമ്മൽ രാജേഷ്(39) എന്നിവരെയാണ് കുറുക്കൻ ആക്രമിച്ചത്.
കുറുക്കനെ നാട്ടുകാർ പിന്നീട് തല്ലിക്കൊന്നു. പരിക്കേറ്റവരെ പേരാമ്പ്ര താലൂക്ക് ആശുപത്രിയിലെ പ്രാഥമിക ചികിത്സയ്ക്കുശേഷം വിദഗ്ദ ചികിത്സക്കാ മെഡിക്കൽ കോളേജ് ആശുപത്രിലേക്ക് മാറ്റി.