മലപ്പുറം എടപ്പാളില്‍ ചായക്കടയിലെ ഗ്യാസ് സിലിണ്ടറിന് തീപിടിച്ചു. ചൊവ്വാഴ്ച കാലത്ത് പത്തരയോടെയാണ് സംഭവം. പൊന്നാനി റോഡില്‍ പ്രവല്‍ത്തിക്കുന്ന വികെ ടീസ്റ്റാള്‍ എന്ന കടയിലെ സിലിണ്ടറാണ് ലീക്ക് വന്ന് കത്തിയത്.പരിഭ്രാന്തരായ ജീവനക്കാര്‍ പുറത്തേക്ക് ഓടുകയിയിരുന്നു.ഓടിക്കൂടിയ നാട്ടുകാര്‍ തീ അണച്ചെങ്കിലും ഗ്യാസ് സിലിണ്ടര്‍ ചോരുന്നത് പ്രദേശവാസികളെ പരിഭ്രാന്തിയിലാക്കി. പൊന്നാനിയില്‍ നിന്നെത്തിയ ഫയര്‍ഫോഴ്സും നാട്ടുകാരും ചേര്‍ന്ന് തീ പൂര്‍ണ്ണമായും അണച്ച് ഗ്യാസ് സിലിണ്ടര്‍ നീക്കം ചെയ്തു.സിലിണ്ടറിന് തീ പിടിച്ചത് പ്രദേശത്ത് ഏറെ നേരം ആശങ്ക സൃഷ്ടിക്കുകയും ചെയ്തു.കടയിലെ ഉപകരണങ്ങള്‍ പലതും തീ പിടുത്തതില്‍ കത്തി നശിച്ചിട്ടുണ്ട്.സിലിണ്ടര്‍ പൊട്ടിത്തെറിക്കുന്നതിന് മുമ്പ് തീ അണച്ചതിനാല്‍ വലിയ ദുരന്തമാണ് ഒഴിവായത്