തിരുവനന്തപുരം വെള്ളറടയിൽ നിന്നും കടുക്കറ ഭാഗത്തേക്ക് പോവുകയായിരുന്ന ടോറസ് ലോറിയും എതിര്‍ ദിശയില്‍ നിന്നും വരുകയായിരുന്ന ബൈക്കും ആറാട്ട് കുഴിയിൽ കൂട്ടിമുട്ടി ഒരാള്‍ മരിച്ചു. ഇടിയുടെ ആഘാതത്തില്‍ ബൈക്കിലുണ്ടായിരുന്ന മൂന്നു പേരേയും ഗുരുതര പരിക്കുകളോടെ
കാരക്കോണം മെഡിക്കല്‍ കോളേജിലേക്ക് പ്രവേശിപ്പിച്ചു. എങ്കിലും ചെറുകരവിളാകത്ത് വീട്ടില്‍ ശ്രീജയുടെ മകന്‍ സുധീഷി(28) നെ രക്ഷിക്കാനായില്ല.
ആറാട്ടുകുഴി സ്വദേശി ജഗന്‍ദേവ് (35), കരിമരം കോളനിയില്‍ അനന്തു (30) എന്നിവര്‍ ഗുരുതര പരുക്കുകളുടെ കാരക്കോണം മെഡിക്കല്‍ കോളേജില്‍ ചികിത്സയിലാണ്. ഞായറാഴ്ച ഉച്ചയോടെയായിരുന്നു അ‌പകടം.സുധീഷിന്റെ മൃതദേഹം കാരക്കോണം മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിട്ടുണ്ട്.തുടർ നടപടികൾക്ക് ശേഷം ബന്ധുക്കൾക്ക് വിട്ടുനൽകും. ടോറസ് ലോറി വെള്ളറട പോലീസ് കസ്റ്റഡിയിലെടുത്തു.