പരപ്പനങ്ങാടി : അജ്ഞാതനായ വയോധികനെ ട്രെയിൻ തട്ടി മരിച്ച നിലയിൽ കണ്ടെത്തി. റെ യിൽവേ സ്റ്റേഷൻ സമീപം നടപ്പാലത്തിനരികിൽ വ്യാഴാഴ്ച പുലർച്ചെ മൂന്നോടെയാണ് തീവണ്ടി തട്ടിയത്.
വിവരമറിയിച്ചതിനെത്തുടർന്ന് പരപ്പനങ്ങാടി പോലീസ് സ്ഥലത്തെത്തി. തമിഴ്നാട് സ്വദേശിയാണെന്നാണ് സൂചന.
കഴിഞ്ഞ ദിവസങ്ങളിൽ റെയിൽവേ സ്റ്റേഷൻ പരിസരത്ത് കണ്ടിരുന്നതായി പറയുന്നു. ഇൻക്വസ്റ്റ് നടപടിക്കുശേഷം മൃതദേഹം താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. ആളെ തിരിച്ചറിയുന്നവർ പരപ്പനങ്ങാടി പോലീസ് സ്റ്റേഷനിൽ അറിയിക്കണമെന്ന് പോലീസ് അറിയിച്ചു. ഫോൺ : 0494 2410260