ചങ്ങരംകുളം:ബൈക്കിൽ നിന്നും വീണ് പരിക്കേറ്റ വയോധിക മരണപ്പെട്ടു. മൂക്കുതല ചേലക്കടവിൽ ബന്ധുവിന്റെ ബൈക്കിന്റെ പുറകിൽ ഇരുന്ന് യാത്ര ചെയ്തിരുന്ന ചേലക്കടവ് സ്വദേശിനി ചങ്കരത്ത് വീട്ടിൽ സത്യവതി (79) ബൈക്കിൽ നിന്നും കഴിഞ്ഞ ദിവസമാണ് വീണത്.അപകടത്തിൽ തലക്ക് ഗുരുതര പരുക്ക് പറ്റിയ സത്യവതിയെ നാട്ടുകാർ ചേർന്ന് ചങ്ങരംകുളത്തെ സ്വകാര്യ ആശുപത്രിയിലും തുടർ ചിക്കത്സക്കായി തൃശൂരിലെ സ്വകാര്യ ആശുപത്രിയിലേക്കും കൊണ്ട് പോയി. തൃശൂരിലെ സ്വകാര്യ ആശുപത്രിയിൽ ചിക്കത്സയിൽ ഇരിക്കെ ഇന്ന് പുലർച്ചെ ഒരു മണിയോടെ മരണം സംഭവിക്കുകയായിരുന്നു. നിയമനടപടികൾക്ക് ശേഷം മൃതദേഹം ബന്ധുക്കൾക്ക് വിട്ട് നൽകും.