അമ്പലപ്പുഴ: ചിങ്ങ പുലരിയിൽ ക്ഷേത്ര ദർശനത്തിന് പോയ സ്ത്രീകൾ സഞ്ചരിച്ച ഓട്ടോയിൽ കാർ ഇടിച്ച് വീട്ടമ്മ മരിച്ചു.കരുവാറ്റ താമല്ലാക്കൽ കളഭം വീട്ടിൽ ഗോപിനാഥൻപിള്ളയുടെ ഭാര്യ ലത ( 62 ) ആണ് മരിച്ചത്.പുലർച്ചെ 5 ഓടെ ദേശീയ പാതയിൽ പുറക്കാട് മാത്തേരി ഭാഗത്തായിരുന്നു അപകടം.
ചിങ്ങം പുലരിയിൽ അമ്പലപ്പുഴ ക്ഷേത്ര ദർശനത്തിനായി അയൽവാസികളായ മറ്റ് നാലു സ്ത്രീകളുമായി ഓട്ടോറിക്ഷയിൽ പോകുമ്പോൾ നിയന്ത്രണംതെറ്റി വന്ന കാർ ഇടിച്ച് ആണ് അപകടം. മൃതദേഹം ആശുപത്രി മോർച്ചറിയിൽ.