സാവോ പോളോ: ബ്രസീലിൽ വിമാനം തകർന്നുവീണ് 62 പേർ മരിച്ചു. സാവോപോളോയിലേക്ക് പോയ എ.ടിആർ-72 വിമാനമാണ് ബ്രസീലിലെ വിൻഹെഡോയിൽ തകർന്നുവീണത്. 58 യാത്രക്കാരും നാല് ക്രൂ അംഗങ്ങളുമുൾപ്പെടെ 62 പേരാണ് വിമാനത്തിലുണ്ടായിരുന്നത്. അപകടത്തിൽ 62-പേരും മരിച്ചു.
വിമാനം തകർന്നു വീഴുന്നതിൻ് ഞെട്ടിക്കുന്ന ദൃശ്യങ്ങൾ പുറത്തുവന്നു. വിൻഹെഡോ നഗരത്തിലാണ് വിമാനം തകർന്നു വീണതെന്ന് പ്രാദേശിക അഗ്നിശമന സേന സ്ഥിരീകരിച്ചിട്ടുണ്ട്. ഇവിടെ ഒരു വീട്ടുമുറ്റത്തേക്കാണ് വിമാനം പതിച്ചത്.
ബ്രസീൽ ടിവി ഗ്ലോബോ ന്യൂസ് വലിയ പ്രദേശത്ത് തീപടരുന്നതിന്റെയും വിമാനത്തിന്റെ ഫ്യൂസ്ലേജിൽ നിന്ന് പുക ഉയരുന്നതിന്റെയും ദൃശ്യങ്ങൾ പുറത്തുവിട്ടുണ്ട്. മറ്റൊരു ദൃശ്യങ്ങളിൽ വിമാനം ആടിയുലഞ്ഞ് വിമാനം താഴേക്ക് പതിക്കുന്നതും വ്യക്തമാകുന്നുണ്ട്. തകർന്നുവീണതിനെത്തുടർന്ന് നിരവധി വീടുകൾക്ക് കേടുപാടുകൾ സംഭവിച്ചിട്ടുണ്ടെന്നാണ് റിപ്പോർട്ട്. അപകടത്തിൻ്റെ കൂടുതൽ വിവരങ്ങൾ ലഭ്യമായിട്ടില്ല.