പാലക്കാട്: ചിറ്റൂര് പുഴയില് കുടുങ്ങിയ സ്ത്രീ ഉള്പ്പെടെയുള്ള നാലു പേരെയും അതിസാഹസിക രക്ഷാദൗത്യത്തിനൊടുവില് ഫയര്ഫോഴ്സ് രക്ഷപ്പെടുത്തി.ആര്ത്തലച്ചൊഴുകുന്ന പുഴയുടെ നടുവില് പാറക്കെട്ടില് കുടുങ്ങിയ നാലുപേരെയും വടംകെട്ടിയശേഷം ലൈഫ് ജാക്കറ്റ് ധരിപ്പിച്ചാണ് കരയിലേക്ക് എത്തിച്ചത്. ആദ്യം പുഴയില് കുടുങ്ങിയ പ്രായമായ സ്ത്രീയെ ആണ് കരയിലെത്തിച്ചത്. പിന്നീട് ഒരോരുത്തരെയായി കരയിലെത്തിക്കുകയായിരുന്നു.