തിരുവനന്തപുരം: കാട്ടാക്കടയിൽ യുവതി കിണറ്റിൽ ചാടി മരിച്ചു. കാട്ടാക്കട പൂവച്ചൽ ഉണ്ടപ്പാറ നിഷ മൻസിലിൽ നിഷ (28) ആണ് മരിച്ചത്. ഞായറാഴ്ച രാവിലെ 9:30-ഓടെയാണ് സംഭവം.
നാട്ടുകാർ രക്ഷിക്കാൻ ശ്രമം നടത്തിയെങ്കിലും അഗ്നിരക്ഷാ സേന എത്തിയതിന് ശേഷമാണ് നിഷയെ കിണറ്റിൽ നിന്ന് പുറത്തെടുത്തത്. ഉടൻ ആശുപത്രിയിലേക്ക് കൊണ്ടുപോയിട്ടും ജീവൻ രക്ഷിക്കാൻ കഴിഞ്ഞില്ല. വീടിനോട് ചേർന്ന കിണറ്റിലാണ് യുവതി ചാടിയത്.
കിണറിൽ 30 അടിയോളം വെള്ളം ഉണ്ടായിരുന്നു. കുടുബ പ്രശ്നമാണ് കാരണമെന്ന് ബന്ധുക്കൾ പറയുന്നു. നെടുമങ്ങാട് സ്വദേശിയാണ് യുവതിയുടെ ഭർത്താവ്.