കാസർകോട് കുമ്പള.ദേശീയ പാത ആരിക്കാടി കടവത്ത് ഒന്നാം ഗേറ്റിന് സമീപം ബൈക്കും മീൻ ലോറിയും കൂട്ടിയിടിച്ച് യുവാവ് മരിച്ചു. കൂടെ യാത്ര ചെയ്തിരുന്ന യുവാവിനെ ഗുരുതര പരുക്കുകളോടെ മംഗളൂരുവിലെ ആശുപത്രിയിൽ പ്രവേശിപ്പിച്ചു.
കൊടിയമ്മ പേപ്പിനടുക്കയിലെ പിരിങ്കി മുഹമ്മദിന്റെ മകൻ അസ്ക്കർ ( 24 ) ആണ് മരിച്ചത്.
വെളളിയാഴ്ച്ച രാത്രി 9.15 ഓടെയായിരുന്നു അപകടം.
മംഗളൂരുവിൽ നിന്നും കാസർകോട് ഭാഗത്തേക്ക് വരികയായിരുന്ന മീൻ ലോറി എതിർദിശയിൽ നിന്നും വന്ന കെ.എൽ 14 എ.എ 1669 യമഹ ബൈക്കിൽ ഇടിക്കുകയായിരുന്നു.