നാദാപുരം: പേരോട് പാറക്കടവ് റോഡില്‍ ആവടി മുക്കില്‍ സ്‌കൂട്ടര്‍ യാത്രക്കാരന്‍ ടിപ്പര്‍ ലോറിയിടിച്ച്‌ മരിച്ചു.
വാണിമേല്‍ കിടഞ്ഞോത്ത് ചാലില്‍ ബാബു രാജ് (56) ആണ് മരിച്ചത്. സ്വകാര്യ ചിറ്റ് ഫണ്ട് കളക്ഷന്‍ ജീവനക്കാരനാണ്. വ്യാഴാഴ്ച വൈകുന്നേരമാണ് അപകടം.
ഗുരുതരപരിക്കേറ്റ ബാബുരാജിനെ നാദാപുരം സ്വകാര്യ ആശുപത്രിയില്‍ പ്രാഥമിക ചികിത്സ നല്‍കിയ ശേഷം വടകര സഹകരണ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റ്‌മോര്‍ട്ടത്തിനായി വടകര ജില്ല ആശുപത്രിയില്‍ സൂക്ഷിച്ചിരിക്കുകയാണ്.
പിതാവ്: പരേതനായ ചാത്തു. മാതാവ്: പരേതയായ പാറു. ഭാര്യ: രജിത. മകന്‍: അഥര്‍വ് (പ്ലസ് ടു വിദ്യാർഥി, വെള്ളിയോട് ഗവ. ഹയര്‍ സെക്കന്‍ഡറി സ്‌കൂള്‍). സഹോദരങ്ങള്‍: മാത, കല്യാണി, ജാനു, ലീല, നാരായണി, കുഞ്ഞിക്കണ്ണന്‍, പ്രേമചന്ദ്രന്‍, പരേതനായ നാണു.