എറണാകുളം കിഴക്കന്പലം: കാക്കനാട് ഇൻഫോപാർക്ക് റോഡില്‍ ബൈക്ക് നിയന്ത്രംവിട്ട് മറിഞ്ഞ് യുവാവ് മരിച്ചു. മലയിടംതുരുത്ത് ബാവാപ്പടി ചിറ്റേപ്പറന്പില്‍ അർജുൻ ഉല്ലാസ് (23) ആണ് മരിച്ചത്.
ഒപ്പമുണ്ടായിരുന്ന അരുണ്‍ ജോർജിന് നിസാര പരിക്കേറ്റു. കാക്കനാട് ഇൻഫോപാർക്ക് റോഡില്‍ നിന്ന് വീട്ടിലേക്ക് വരുന്നതിനിടെ കുഴിക്കാട്ടുമൂല പെട്രോള്‍ പന്പിന് സമീപം ചൊവ്വാഴ്ച രാത്രി ഒന്പതിനായിരുന്നു അപകടം.
റോഡ് മുറിച്ചു കടക്കുകയായിരുന്ന കാല്‍നടയാത്രികനെ ഇടിക്കാതിരിക്കാൻ ബൈക്ക് വെട്ടിച്ചുമാറ്റുന്നതിനിടെ നിയന്ത്രണംവിട്ട് മറിയുകയായിരുന്നു. തലയ്ക്ക് ഗുരുതര പരിക്കേറ്റ അർജുനെ ഉടൻ നാട്ടുകാർ കാക്കനാട്ടെ സ്വകാര്യ ആശുപത്രിയില്‍ എത്തിച്ചെങ്കിലും ഇന്നലെ പുലർച്ചെ മരിച്ചു. സംസ്കാരം നടത്തി. അമ്മ: കനക. സഹോദരൻ: അരുണ്‍. സഹോദരി: അഞ്ജലി.