കൊല്ലം ചവറ : ദേശീയപാതയില്‍ കാറിടിച്ച്‌ ഓട്ടോ ഡ്രൈവര്‍ മരിച്ചു.കരുനാഗപ്പള്ളി പടനായര്‍ കുളങ്ങര കണ്ടത്തില്‍ വീട്ടില്‍ അബ്ദുള്‍ കരീമാണ് (64) മരിച്ചത്.
ഓട്ടോയിലെ യാത്രക്കാരനായ ചവറ തെക്കുംഭാഗം സ്വദേശി സേവ്യറിന് പരിക്കറ്റു. നീണ്ടകര എംഎംസി മുക്കിന് സമീപം ഇന്നലെ ഉച്ചകഴിഞ്ഞ് 3.30 ഓടെയായിരുന്നു അപകടം.
പുത്തന്‍തുറ ജംഗ്ഷനില്‍ ദേശീയപാതയിലേക്ക് കടക്കുന്നതിനിടയില്‍ കരുനാഗപ്പള്ളി ഭാഗത്തേക്ക് വരികയായിരുന്ന കാർ ഓട്ടോറിക്ഷയില്‍ ഇടുക്കിയായിരുന്നു. ഉടന്‍ തന്നെ സമീപത്തുള്ളവര്‍ ഇദ്ദേഹത്തെ ആശുപത്രിയില്‍ എത്തിച്ചെങ്കിലും മരണമടയുകയായിരുന്നു. ഭാര്യ: ബീവികുഞ്ഞ്. മക്കള്‍ : സബീന. സുബിത. മരുമക്കള്‍ : ഫസല്‍, ഷെമീര്‍. ചവറ പോലീസ് കേസെടുത്തു.