കോഴിക്കോട് പൂക്കാട്: വെറ്റിലപ്പാറയിൽ ബസും ബൈക്കും കൂട്ടിയിടിച്ച് അപകടം. അപകടത്തിൽ ബൈക്ക് യാത്രികന് പരിക്കേറ്റു. വെറ്റിലപ്പാറ സി.എം ഹോട്ടലിന് മുൻവശത്ത് ഇന്ന് ഉച്ചയ്ക്ക് രണ്ടുമണിയോടെയായിരുന്നു സംഭവം.
വടകര സ്വദേശിയായ കിരണിനാണ് പരിക്കേറ്റത്. ഇയാൾ കോഴിക്കോട് ഭാഗത്തേക്ക് പോകുകയായിരുന്നു. കോഴിക്കോട് നിന്നും കൊയിലാണ്ടിയിലേക്ക് വരികയായിരുന്ന ദേവിക ബസുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ ബസിന്റെ മുൻവശത്തെ ഗ്ലാസ് തകർന്നു, ബൈക്കും തകർന്നിട്ടുണ്ട്
യുവാവിനെ കൊയിലാണ്ടി താലൂക്ക് ആശുപത്രിയിലെത്തിച്ച് പ്രാഥമിക പരിചരണം നൽകിയശേഷം തുടർചികിത്സയ്ക്കായി കോഴിക്കോടേക്ക് കൊണ്ടുപോയി. അപകടത്തെ തുടർന്ന് ദേശീയപാതയിൽ ഗതാഗതം തടസപ്പെട്ടു.