തൃശ്ശൂർ ചേലക്കര പഴയന്നൂരില്‍ ഓടിക്കൊണ്ടിരുന്ന വാഹനത്തില്‍ നിന്നും വീണ് യുവതിക്ക് ദാരുണാന്ത്യം. തിരുവില്വാമല മലേശമംഗലം ചക്കച്ചന്‍കാട് സ്വദേശി 42 വയസുള്ള സ്മിതയാണ് മരിച്ചത്.
ചീരക്കുഴിയിലെ ഐഎച്ച്‌ആര്‍ഡി കോളേജിന് സമീപത്ത് വെച്ചായിരുന്നു അപകടം.
ബൈക്കില്‍ മകനോടൊപ്പം യാത്ര ചെയ്യുന്നതിനിടെ റോഡിലേക്ക് വീഴുകയായിരുന്നു എന്ന് പോലീസ് പറഞ്ഞു. ആശുപത്രിയില്‍ പോയി വീട്ടിലേക്ക് മടങ്ങവേ തലകറങ്ങി ബൈക്കില്‍ നിന്ന് വീണതാകാം എന്നാണ് പ്രാഥമിക നിഗമനം. പഴയന്നൂര്‍ പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു.