റാന്നി: വിദ്യാര്‍ത്ഥികളുമായി പോയ സ്കൂള്‍ ബസ് നിയന്ത്രണം വിട്ട് വൈദ്യുതി പോസ്റ്റില്‍ ഇടിച്ച്‌ മൂന്ന് വിദ്യാര്‍ത്ഥികള്‍ക്ക് പരിക്ക്.
റാന്നി പഴവങ്ങാടി സെന്റ് മേരിസ് സീനിയര്‍ സെക്കൻഡറി സ്കൂള്‍ മൂന്നാം ക്ലാസ് വിദ്യാര്‍ത്ഥിനി പുതുശ്ശേരിമല, കുറ്റൻകുഴിയില്‍ അനുഗ്രഹ, അഞ്ചാം ക്ലാസ് വിദ്യാര്‍ത്ഥിനി മന്ദിരം പടിഞ്ഞാറെ മണ്ണില്‍ ഏഞ്ചല്‍ അന്ന, ഏഴാം ക്ലാസ് വിദ്യാര്‍ത്ഥിനി മന്ദിരം കൈതവീട്ടില്‍ ശ്രേയ എന്നിവര്‍ക്കാണ് പരിക്കേറ്റത്. ഇവരെ വിവിധ സ്വകാര്യ ആശുപത്രികളില്‍ പ്രവേശിപ്പിച്ചു. അനുഗ്രഹയുടെ കാലിന് പൊട്ടലുണ്ട് . ഇന്നലെ രാവിലെ 8:30ന് റാന്നികരിങ്കുറ്റിക്കല്‍ -ഡിപ്പോപ്പടി റോഡിലായിരുന്നു അപകടം. കുട്ടികളുമായി ഇറക്കം ഇറങ്ങിവരുമ്ബോള്‍ ബസ് നിയന്ത്രണം വിട്ട് തൊട്ടടുത്ത വൈദ്യുതി പോസ്റ്റിലും തുടര്‍ന്ന് മരങ്ങളിലും ഇടിച്ച്‌ നില്‍ക്കുകയായിരുന്നു.നാട്ടുകാരാണ് രക്ഷാപ്രവര്‍ത്തനം നടത്തിയത്.