അമ്പലപ്പുഴ: പിക്കപ്പ് വാൻ ഇടിച്ച് സ്കൂട്ടർ യാത്രികൻ മരിച്ചു. ചെറുതന പഞ്ചായത്ത് രണ്ടാം വാർഡ് മുപ്പത്തിനാലിൽ കിഴക്കേയറ്റത്ത് ദേവസ്യയുടെ മകൻ ഫ്രാൻസിസ് (40) ആണ് മരിച്ചത്. ഇന്ന് വൈകിട്ട് 6 മണിയ്ക്ക് ദേശീയപാതയിൽ പുറക്കാട് പഴയങ്ങാടിക്കു സമീപമായിരുന്നു അപകടം. ആലപ്പുഴയിൽ ഗൃഹപ്രവേശന ചടങ്ങിൽ പങ്കെടുത്ത് തിരികെ വീട്ടിലേക്ക് മടങ്ങുമ്പോഴായിരുന്നു അപകടം. ഫ്രാൻസിസ് തൽക്ഷണം മരിച്ചു. നിർത്താതെ പോയ പിക്കപ്പ് വാൻ പുറക്കാട് ഭാഗത്ത് വെച്ച് അമ്പലപ്പുഴ പൊലീസ് പിടികൂടി.