പത്തനംതിട്ടയില്‍ അജ്ഞാത വാഹനം ഇടിച്ച്‌ വിദ്യാർത്ഥി മരിച്ചു. ഇന്ന് പുലർച്ചെ 12.30 യോടെ അടൂർ ബൈപ്പാസ് റോഡില്‍ നെല്ലിമൂട്ടില്‍ പടി ജംക്ഷനിലാണ് അപകടം ഉണ്ടായത്.
ബൈക്കില്‍ അടൂർ ഭാഗത്തേക്ക് വന്ന പന്നിവിഴ ഗിരീഷ് ഭവനില്‍ നന്ദു എന്ന കാർത്തിക് (18) ആണ് അജ്ഞാത വാഹനം ഇടിച്ച്‌ മരിച്ചത്.
അപകടം നടന്ന ഉടൻ കാർത്തികിനെ അടൂരിലെ താലൂക്ക് ആശുപത്രിയില്‍ എത്തിച്ചെങ്കിലും മരണം സംഭവിച്ചു. ഏഴംകുളം കെ വി വി എസ് കോളേജിലെ ഒന്നാം വർഷ ബികോം വിദ്യാർത്ഥിയായ കാർത്തിക് ഉണ്ണിക്യഷ്ണൻ സുനിത ദമ്ബതികളുടെ മകനാണ്. ഇത് സംബന്ധിച്ച്‌ ഒരു ഓട്ടോറിക്ഷ കേന്ദ്രീകരിച്ച്‌ അന്വേഷണം തുടങ്ങിയതായി അടൂർ പോലീസ് അറിയിച്ചു.