തിരുവനന്തപുരം വിതുര: കാർനിയന്ത്രണം വിട്ട് റോഡരികിലെ തിട്ടയിലിടിച്ച്‌ തലകീഴായി മറിഞ്ഞ് രണ്ട് കുട്ടികളടക്കം അഞ്ച് പേർക്ക് പരിക്ക്
പേരൂർക്കട സ്വദേശികളായ വേലായുധൻ (75), സുജയ (35), വിജി (30), ജിത്തു (12), പാർത്ഥൻ (7) എന്നിവർക്കാണ് പരിക്കേറ്റത്. പേരൂർക്കടയില്‍ നിന്നും ചായത്ത് വിവാഹചടങ്ങില്‍ പങ്കെടുത്തശേഷം കുളമാൻകോട്ടുള്ള ബന്ധുവീട്ടിലേക്ക് പോകുന്നതിനിടയിലാണ് അപകടം. മരുതുംമൂട്, പരപ്പാറ, ആനപ്പെട്ടി റോഡില്‍ മരുതുംമൂട് ജംഗ്ഷന് സമീപത്തായിരുന്നു അപകടം. അപകടം നടന്നയുടൻ നാട്ടുകാർ കാറിലുണ്ടായിരുന്നവരെ ആംബുലൻസില്‍ വിതുര ഗവ. താലൂക്ക് ആശുപത്രിയിലെത്തിച്ചു. തുടർന്ന് പ്രാഥമിക ചികിത്സ നല്‍കി പട്ടത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ആരുടേയും നില ഗുരുതരമല്ല