റിയാദ്: സൗദി അറേബ്യയില്‍ ലോറി മറിഞ്ഞ് മലയാളി യുവാവ് മരിച്ചു. ദമ്മാം- റിയാദ് ഹൈവേയിലുണ്ടായ വാഹനാപകടത്തിലാണ് റിയാദില്‍ ജോലി ചെയ്യുന്ന തിരുവനന്തപുരം വര്‍ക്കല സ്വദേശി അജിത് മോഹൻ (29) മരിച്ചത്. റിയാദില്‍ നിന്ന് ദമ്മാമിലേക്ക് ലോഡുമായി പോവുകയായിരുന്ന ലോറി റിയാദ് നഗരത്തിനോട് ചേര്‍ന്നുള്ള ചെക്ക് പോയിൻറിന് സമീപം മറിഞ്ഞായിരുന്നു അപകടം.
അജിത്താണ് വാഹനം ഓടിച്ചിരുന്നത്. അജിത് സംഭവസ്ഥലത്ത് തന്നെ മരിച്ചു. മോഹനൻ വാസുദേവൻ – ലത ദേവദാസൻ ദമ്പതികളുടെ മകനാണ്. ഭാര്യ: അനഘ വിജയകുമാര്‍. മകൻ: മോഹനൻ. മൃതദേഹം നാട്ടിലേക്ക് അയക്കുന്നതിനുള്ള നടപടിക്രമങ്ങളുമായി സാമൂഹിക പ്രവര്‍ത്തകൻ സിദ്ദീഖ് തുവ്വൂര്‍ രംഗത്തുണ്ട്.