തിരുവന്തപുരം: ബാലരാമപുരത്ത് യുവാവിനെ ദുരൂഹ സാഹചര്യത്തിൽ മരിച്ചനിലയിൽ കണ്ടെത്തി. വടകോട് സ്വദേശി രാജുമോന്റെ മൃതദേഹമാണ് തോട്ടിൽ നിന്ന് കണ്ടെത്തിയത്. ഇന്ന് പുലർച്ചെ തലയൽ തോട്ടിൽ മരിച്ചനിലയിൽ കണ്ടെത്തുകയായിരുന്നു. ഇന്നലെ ക്ഷേത്രത്തിലേക്ക് പോകാൻ വീട്ടിൽ നിന്ന് ഇറങ്ങിയതായിരുന്നു രാജുമോൻ. ഇയാളുടെ തലയ്ക്ക് പിന്നിൽ മുറിവേറ്റിട്ടുണ്ട്. ഫോറൻസിക് സംഘം സ്ഥലത്തെത്തി പരിശോധന നടത്തി. ബാലരാമപുരം പോലീസ് അസ്വഭാവിക മരണത്തിന് കേസ് എടുത്തിട്ടുണ്ട്. സി സി ടി വി ദൃശ്യങ്ങൾ ഉൾപ്പെടെ പരിശോധിക്കുമെന്ന് പോലീസ് അറിയിച്ചു.