താനൂർ: താനൂർ നിറമരുതൂർ ഉണ്ണിയാൽ സ്വദേശി കൊടിയന്റെ പുരക്കൽ അൻവർ സാദത്ത് സൈഫുന്നിസ ദമ്പതികളുടെ മകൻ ഏഴു വയസ്സുകാരൻ മുഹമ്മദ് ഷാഹിദിനെയാണ് കുളിമുറിയിൽ മരണപ്പെട്ട നിലയിൽ കണ്ടെത്തിയത്.
ഇന്ന് രാവിലെ മദ്രസ കഴിഞ്ഞു വന്ന് കുളിക്കാൻ വേണ്ടി കുളിമുറിയിൽ കയറിയതായിരുന്നു, ഏറെ നേരമായിട്ടും കുളി കഴിഞ്ഞ് ഇറങ്ങാത്തതിനെത്തുടർന്ന് വീട്ടുകാർ വാതിൽ തകർത്തു നോക്കിയപ്പോഴാണ് കുട്ടിയെ കുഴഞ്ഞു കിടക്കുന്ന രൂപത്തിൽ കണ്ടെത്തിയത്. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ ആയില്ല. തിരൂർ ജി എം യു പി സ്കൂൾ ഒന്നാം ക്ലാസ് വിദ്യാർത്ഥിയാണ് മുഹമ്മദ് ഷാഹിദ്. മൃതദേഹം തിരൂർ ജില്ലാ ആശുപത്രിയിലേക്ക് മാറ്റി.