കോഴിക്കോട് നാദാപുരം: ഓടിക്കൊണ്ടിരിക്കെ കാറിന് മുകളിൽ മരം കടപുഴകി വീണു. ഭാഗ്യത്തിന് ആളപായം ഒഴിവായി.
വെള്ളിയാഴ്ച രാത്രി എട്ട് മണിയോടെ ചേലക്കാട് റേഷൻ ഷോപ്പിന് സമീപമാണ് സംഭവം. കുറ്റ്യാടി ഭാഗത്തേക്ക് പോവുകയായിരുന്ന കാറിന് മുകളിലേക്ക് സമീപത്തെ കൂറ്റൻ മരം കടപുഴകി വീഴുകയായിരുന്നു. കാറിന് സാരമായ കേടുപാട് സംഭവിച്ചെങ്കിലും യാത്രക്കാർ പരിക്കേൽക്കാതെ രക്ഷപ്പെട്ടു. ചേലക്കാട് ഫയർസ്റ്റേഷനിൽ നിന്ന് സേന എത്തി മരം
മുറിച്ചുമാറ്റിയാണ് കാർ പുറത്തെടുത്തത്. സംഭവത്തെ തുടർന്ന് സംസ്ഥാന പാതയിൽ ഏറെ നേരം ഗതാഗതം മുടങ്ങി.