വണ്ടിപ്പെരിയാര്‍: 59-ാം മൈലിനു സമീപം രണ്ട് പിക്കപ്പ് വാനുകള്‍ തമ്മില്‍ കൂട്ടിയിടിച്ചു. അപകടത്തില്‍ ഡ്രൈവര്‍ക്ക് പരിക്കേറ്റു.
തൊടുപുഴയില്‍നിന്നു കുമളിയിലേക്ക് വെളിച്ചെണ്ണയുമായി വരികയായിരുന്ന പിക്കപ്പ് വാനും തമിഴ്നാട്ടില്‍നിന്നു തൃശൂരിലേക്ക് വാഴക്കുലയുമായി പോവുകയായിരുന്നു മറ്റൊരു പിക്കപ്പ് വാനും തമ്മിലാണ് കൂട്ടിയിടിച്ചത്.
തൊടുപുഴയില്‍നിന്നും വരികയായിരുന്ന വാഹനം ബ്രേക്ക് പിടിക്കുന്നതിനിടെ റോഡില്‍നിന്നും തെന്നിമാറുകയും എതിരേ വന്ന വാഹനത്തിന്‍റെ പിന്നില്‍ ഇടിക്കുകയുമായിരുന്നു.
വാഴക്കുലയുമായി വന്ന വാഹനം റോഡിലേക്ക് മറിയുകയും ചെയ്തു.
ഡ്രൈവര്‍ തൊടുപുഴ സ്വദേശി അജിത്ത് - 28ന് കൈയ്ക്ക് പരിക്കേറ്റു. ഇയാളെ വണ്ടിപ്പെരിയാര്‍ പ്രാഥമിക ആരോഗ്യകേന്ദ്രത്തില്‍ പ്രാഥമിക ചികിത്സ നല്‍കിയശേഷം പീരിമേട് താലൂക്ക് ആശുപത്രിയിലേയ്ക്ക് മാറ്റി.