തൃശ്ശൂർ പട്ടിക്കാട്. ദേശീയപാതയിൽ പത്താംകല്ലിൽ ബൈക്കിടിച്ച് കാൽനടയാത്രക്കാരന് പരിക്ക്. കോതമംഗലം സ്വദേശി ജോർജിനാണ് പരിക്കേറ്റത്. ഇന്ന് രാത്രി എട്ടുമണിയോടെ പാലക്കാട് ഭാഗത്തേക്കുള്ള പാതയിലാണ് അപകടം ഉണ്ടായത്. പത്താംകല്ല് ബീവറേജസ് ഷോപ്പിന് സമീപം ദേശീയപാത മുറിച്ചു കടക്കാൻ ശ്രമിക്കുകയായിരുന്ന ജോർജിനെ പാലക്കാട് ഭാഗത്തേക്ക് പോയിരുന്ന ബൈക്ക് ഇടിക്കുകയായിരുന്നു. കാലിന് ഗുരുതരമായി പരിക്കേറ്റ ഇയാളെ തൃശൂരിലെ ആശുപത്രിയിൽ പ്രവേശിപ്പിച്ചു.
