ഇടുക്കി വണ്ടിപെരിയാര്‍: കൊട്ടാരക്കര-ദിണ്ഡുക്കല്‍ ദേശീയപാതയില്‍ വണ്ടിപ്പെരിയാര്‍ ചുരക്കുളം കവലയക്കു സമീപം രണ്ടു ബൈക്കുകള്‍ തമ്മില്‍ കൂട്ടിയിടിച്ചുണ്ടായ അപകടത്തില്‍ മൂന്നു യുവാക്കള്‍ക്ക് പരിക്കേറ്റു.
വണ്ടിപ്പെരിയാര്‍ മഞ്ചുമല സ്വദേശി മെര്‍ഫിൻ(23), ഏലപ്പാറ കോഴിക്കാനം എസ്റ്റേറ്റ് സ്വദേശികളായ ജോബിൻ(19), സുജിത്(19) എന്നിവര്‍ക്കാണ് പരിക്കേറ്റത്.
ഏലപ്പാറയില്‍ നിന്നും വരികയായിരുന്ന ബൈക്ക് ചുരക്കുളം കവലയ്ക്ക് സമീപത്തു മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ എതിരേ വരികയായിരുന്ന മെര്‍ഫിൻ സഞ്ചരിച്ചിരുന്ന ബൈക്കില്‍ ഇടിക്കുകയായിരുന്നു. യുവാക്കളെ നാട്ടുകാര്‍ വണ്ടിപ്പെരിയാറിലെ സ്വകാര്യ ആശുപത്രിയില്‍ പ്രവേശിപ്പിച്ചു. തുടര്‍ന്ന്, വിദഗ്ധ ചികിത്സയ്ക്കായി കുമളിയിലെ സ്വകാര്യ ആശുപത്രിയിലേക്ക് മാറ്റി.
അപകടത്തില്‍ മെര്‍ഫിന് തലയ്ക്കും കൈക്കും കാലിനും പരിക്കേറ്റിട്ടുണ്ട്