കോട്ടയം പാലാ: കടപ്പാട്ടൂർ ബൈപ്പാസിൽ ബൈക്കും ഗ്യാസ് ലോറിയും കൂട്ടിയിടിച്ച് അച്ഛനും മകനും പരിക്ക്. പൂഞ്ഞാർ പെരിനിലം സ്വദേശികളായ പറപ്പള്ളിയിൽ ബെന്നിക്കും മകൻ ആൽബിനുമാണ് അപകടത്തിൽ പരിക്കേറ്റത്.
പാലാ പന്ത്രണ്ടാം മൈലിൽ രാവിലെ എട്ടരയോടെ ആയിരുന്നു അപകടം. പാലായിൽ നിന്നും കടപ്പാട്ടൂരിലേക്ക് വരികയായിരുന്നു ലോറിയിലേക്ക് ബൈപ്പാസിലേക്ക് കയറിയ ബൈക്ക് ഇടിക്കുകയായിരുന്നു. മുരിക്കുംപുഴ കത്തീഡ്രൽ പള്ളി റോഡ് വഴിയെത്തിയ ബൈക്ക് ബൈപ്പാസ് റോഡ് കുറുകെ കടന്ന് മുത്തോലിയിലേക്ക് പോകാൻ ശ്രമിക്കവെയാണ് ലോറിയുമായി കൂട്ടി ഇടിച്ചത്. അപകടത്തിൽ ഗുരുതരമായി പരിക്കേറ്റ ഇരുവരെയും ആശുപത്രിയിൽ പ്രവേശിപ്പിച്ചു.