ആലപ്പുഴ: ദേശീയപാതയില്‍ കളപ്പുര ജംഗ്ഷനില്‍ ബുള്ളറ്റും ബൈക്കും കൂട്ടിയിടിച്ച്‌ ഗുരുതരമായി പരിക്കേറ്റ രണ്ടു യുവാക്കളെ ആലപ്പുഴ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു
ഇന്നലെ രാത്രി 10.30ഓടെയായിരുന്നു അപകടം. ആറാട്ടുവഴി സ്വദേശികളായ പ്രമോദ്, എബിൻ എന്നിവര്‍ക്കാണ് പരിക്കേറ്റത്. എബിനെ അബോധാവസ്ഥയിലും പ്രമോദിന്റെ കാല് ഒടിഞ്ഞ നിലയിലുമാണ് ആദ്യം ജനറല്‍ ആശുപത്രിയില്‍ എത്തിച്ചത്. പിന്നീട് ഇരുവരെയും മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. വിവരം അറിഞ്ഞ് ഫയര്‍ഫോഴ്സും നോര്‍ത്ത് പൊലീസും അപകട സ്ഥലത്തെത്തി.