പേരാമ്ബ്ര: പേരാമ്ബ്രയില്‍ ബൈപ്പാസ് റോഡില്‍ കാര്‍ വയലിലേക്ക് മറിഞ്ഞു. പ്രസവം കഴിഞ്ഞ് ആറ് ദിവസം മാത്രം പ്രായമുള്ള കൈക്കുഞ്ഞുമായി വീട്ടിലേക്ക് മടങ്ങുമ്ബോഴാണ് കുറ്റിയാടി സ്വദേശികള്‍ സഞ്ചരിച്ചിരുന്ന കാര്‍ അപകടത്തില്‍പ്പെട്ടത്.
ഇന്നലെ വൈകിട്ട് 3.30 ഓടെയായിരുന്നു അപകടം. കക്കാട് ബൈപ്പാസ് റോഡില്‍ ഇ.എം.എസ് ആശുപത്രിക്ക് സമീപത്തെ റോഡില്‍ നിന്നും വയലിലേക്ക് മറിയുകയായിരുന്നു. കാര്‍ നിയന്ത്രണം വിട്ടതാണ് അപകടത്തില്‍ പെടാൻ കാരണമെന്ന് കരുതുന്നു.
കുറ്റിയാടി സ്വദേശികളായ അജീഷ് , അഞ്ചു , ആഞ്ജനേയ, സരോജിനി , യശോദ എന്നിവരാണ് വാഹനത്തില്‍ ഉണ്ടായിരുന്നത്
ഇവരെ ഇ.എം.എസ് ആശുപത്രിയില്‍ പ്രവേശിപ്പിച്ചു.