കോഴിക്കോട് അഴിയൂര്‍: ദിവസങ്ങള്‍ക്കു മുന്‍പ് കാണാതായ പെരിങ്ങത്തൂര്‍ ടൗണിലെ ഓട്ടോഡ്രൈവര്‍ പുഴയില്‍ മരിച്ച നിലയില്‍. കരിയാട്
ചുള്ളിയിന്റവിട സുനിയാണ് (49) മരിച്ചത്. 16 മുതല്‍ കാണാനില്ലായിരുന്നു. ഇതു സംബന്ധിച്ച് ചൊക്ലി പോലീസില്‍ കേസുണ്ട്. ഇതിനിടയിലാണ് ഇന്ന് ഉച്ചയോടെ മയ്യഴിപുഴയില്‍ ചോമ്പാല്‍ കുറിച്ചിക്കര ഭാഗത്ത് കണ്ടെത്തിയ മൃതദേഹം സുനിയുടേതാണെന്ന് തിരിച്ചറിഞ്ഞത്. ചോമ്പാല പോലീസ് ഇന്‍ക്വസ്റ്റ് ചെയ്ത മൃതദേഹം പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളജ് മോര്‍ച്ചറിയിലേക്ക് കൊണ്ടുപോയി.