ചുരം ആറാം വളവിൽ ലോറി തകരാറിലായി കുടുങ്ങിയതോടെ ചുരത്തിൽ വൻ ഗതാഗത തടസ്സം നേരിടുന്നുണ്ട് . ഇന്ന് പുലർച്ചെയോടെയാണ് ആറാം വളവിൽ വീതികുറഞ്ഞ ഭാഗത്ത് ചരക്കുലോറി ജോയിൻ്റ് പൊട്ടി കുടുങ്ങിയത്. രാവിലെ 5.45 ഓടെയാണ് ഗതാഗത തടസ്സം രൂക്ഷമായത്. ഇന്ന് (ശനിയാഴ്ച) ചുരം വഴി യാത്ര ചെയ്യുന്നവർ ആവശ്യത്തിന് വെള്ളവും ലഘു ഭക്ഷണവും കരുതണമെന്നും വാഹനത്തിൽ ഇന്ധനം ആവശ്യത്തിനു ഉണ്ടെന്ന കാര്യം ഉറപ്പുവരുത്തണമെന്നും ചുരം സംരക്ഷണ സമിതി പ്രവർത്തകരും പൊലീസും അറിയിച്ചു.
ചെറിയ വാഹനങ്ങൾ പോലും കഷ്ടിച്ചാണ് കടന്നു പോകുന്നത്. വാഹനത്തിൻ്റെ തകരാർ പരിഹരിക്കാനുള്ള ശ്രമങ്ങൾ നടക്കുന്നുണ്ട്.