തൃശൂര്: പത്താം ക്ലാസ് വിദ്യാര്ത്ഥിനിയെ കാണ്മാനില്ല. പുത്തൂര് സ്വദേശിനി വിസ്മയയെ(17)യാണ് കാണാതായത്. ഏഴ് ദിവസം മുൻപാണ് കുട്ടിയെ കാണാതായത്.
സ്കൂളിലേയ്ക്ക് പോയ വിദ്യാര്ത്ഥിനി തിരികെ വീട്ടിലെത്താതായതോടെയാണ് രക്ഷിതാക്കള് പോലീസില് പരാതി നല്കിയത്. ഒല്ലൂര് പോലീസ് കേസെടുത്ത് അന്വേഷണമാരംഭിച്ചെങ്കിലും ഏഴ് ദിവസം പിന്നിട്ടിട്ടും കുട്ടിയെ കണ്ടെത്താനായിട്ടില്ല.
തൃശൂരിലെ വിവിധ സ്ഥലങ്ങളിലെ സിസിടിവി ദൃശ്യങ്ങള് കേന്ദ്രീകരിച്ചും പോലീസ് അന്വേഷണം നടത്തിയിരുന്നു. ഇതില് മരോട്ടിച്ചാല് എന്ന സ്ഥലത്താണ് കുട്ടിയെ അവസാനമായി കണ്ടെത്തിയത്. ഇതിന്റെ സിസിടിവി ദൃശ്യങ്ങള് പോലീസ് പുറത്തുവിട്ടു. എന്നാല് ഇതില്കൂടുതല് വിവിരങ്ങള് ഇതുവരെയും കണ്ടെത്താൻ സാധിച്ചിട്ടില്ലെന്നാണ് പോലീസ് പറയുന്നത്