തൃശ്ശൂർ പട്ടിക്കാട്. വാണിയംപാറയിൽ ബൈക്ക് അപകടത്തൽപ്പെട്ട് യുവാക്കൾക്ക് പരിക്കേറ്റു. കാവശ്ശേരി സ്വദേശി വിപിനും, അദ്ദേഹത്തിന്റെ സുഹത്തുമാണ് അപകടത്തിൽപ്പെട്ടത്. ഇവരെ വാണിയംപാറ 108 ആംബുലൻസിൽ തൃശൂർ ജനറൽ ആശുപത്രിയിൽ പ്രവേശിപ്പിച്ചു.
ഇന്ന് (ചൊവ്വാഴ്ച) വൈകീട്ട് ഏഴരയോടെ തൃശൂർ ഭാഗത്തേക്കുള്ള പാതയിലാണ് അപകടം ഉണ്ടായത്. റീടാറിംഗ് നടത്തുന്നതിനായി പൊളിച്ചിട്ട ഭാഗത്തുള്ള റോഡിന്റെ കട്ടിങ്ങാണ് അപകടകാരണം. ഇതിൽ കയറി നിയന്ത്രണം വിട്ട ബൈക്ക് വളരെ ദൂരം ദേശീയപാതയിലൂടെ നിരങ്ങി നീങ്ങിയാണ് നിന്നത്. അറ്റകുറ്റ പണികൾ നടക്കുന്നിടത്ത് അപകടമുന്നറിയിപ്പ് ബോർഡുകളോ ബാരിയറുകളോ സ്ഥാപിക്കാത്തതാണ് അപകട കാരണമെന്ന് നാട്ടുകാർ പറഞ്ഞു.
